Click here to view photo gallery »

डेटिंगमा कहिलेकाहीँ नर्वस फ्यान फेला पर्छन् । र, त्यसैका कारण पूरा डेटिंगको रमाइलो खल्लो हुन जान्छ । यस पटक झन्नैझन्नै खल्लोपनामा बित्यो, सेलिब्रिटी डेटिंग ।

यस पटक बुटवल निवासी संगम मल्ल डेटिंगका विजेता थिए । उनी सही समयमा धराहरास्थित बेकरी क्याफेमा आइपुगेका थिए । केही मिनेटअघि मात्र नम्रता आफ्नो विजेता डेटसँग भेट्न आइपुगेकी थिइन् । हामीले शुरुमा विजेतासँग केही बात मार्यौँ र त्यो बात पछि डेट विजेता र सेलिब्रिटीको भेट गराइदियौँ ।

त्यसो त डेट गर्ने अनुभवमा नम्रता अलि जेठी ठहरिएकी छिन् । किनभने यसभन्दा अघि पनि लबएनिहृवेयरडटकमले आयोजन गरेको मोडल डेटिंगमा एक पटक उनले डेट गरिसकेकी थिइन् । त्यो अनुभव यस पटक काम लाग्यो । उनले आफूलाई हेर्न, भेट्न र कुराकानी गर्न भनेर आएका फ्यानलाई कसरी हुन्छ बढीभन्दा बढी सजिलो बनाउने प्रयास गरिन् ।

भर्खरै सानो संसार चलचित्र रिलिज भएको र त्यसको सफलताको स्वाद चाखिरहेकी नायिका, कान्तिपुर एफएमकी आरजे नम्रता र बीबीएस अध्ययनरत संगम (नाम केटीको जस्तो लागे पनि यी पुरुष नै हुन्) ले भेटघाट गरे । योभन्दा बढी म तपाइँलाई केही पनि बताउँदिनँ, भिडियो हेरेर स्वाद लिनुस् है त ।

Download Video